Blústónleikar Kristjönu Stefánsdóttur

Rúrí – kynnir nokkur þekkt verk

RúríRúrí hefur lengi verið einn þekktasti myndlistarmaður landsins og laugardaginn, 17. feb. kl. 14:00 fjallar hún um nokkur valin verk í Listasafni Árnesinga. Hún sýnir myndir og vídeó af verkum sem snerta samtímann og ræðir við gesti um þau, en Rúrí dvelur um þessar mundir í listamannahúsinu Varmahlíð í Hveragerði.

Frá upphafi ferils síns hefur Rúri vakið eftirtekt og sýningarferill hennar er umfangsmikill, bæði einka og samsýningar, hér á landi sem á alþjóðlegum vettvangi og útilistaverk eftir hana hafa verið sett upp á Íslandi og víðar í Evrópu. Verk hennar eru að finna í safneignum fjölmargra einka og opinberra safna innanlands sem utan og árið 2011 gaf þýska listabókaforlagið Hatje Cantz út yfirgripsmikla bók um Rúrí. Hún hefur einnig notið ýmissa viðurkenninga, m.a. verið fulltrúi Íslands á Feneyjatvíæringnum árið 2003.

Myndlist Rúríar er hugmyndafræðilegs eðlis og verk hennar vekja spurningar um tilvistarleg málefni, náttúruna og tímahugtakið og þó að sjá megi staðbundna tengingu þá er tilvísunin hnattræn. Verkin eru sett fram með með margvíslegri tækni, svo sem skúlptúrar, innsetningar, margmiðlunarverk, gjörningar, bókverk, kvikmyndaverk, vídeóverk, ljósmyndaverk, hljóðverk, blönduð tækni, tölvuvædd og gagnvirk verk.

Verk eftir Rúrí hafa nokkrum sinnum verið sýnd á samsýningum í Listasafni Árnesinga og fyrir tveimur árum var þar sett upp stór sýning á verkum hennar.

Tileinkun. Ljosm. Friðrik OrnTileinkun. Ljósmynd Friðrik Örn

Vocal VI. Ljósm. Marc MuehlbergerVocal VI. Ljósmynd Marc Muehlberger

LÁ - KEMUR Á ÓVART

eyrarrosin islensku safnaverdlaunin 2018 La

Notaleg kaffistofa
Setkrókur og upplýsingarrit um myndlist
Verið velkomin!

OPNUNARTÍMI: 12 - 18

Sumar:
alla daga 1. maí - 30. september

Vetur:
fim - sun 1. okt - 30. apríl
lokað 12. des 2016 - 12. jan 2017

Austurmörk 21 - 810 Hveragerði
listasafn@listasafnarnesinga.is
Sími 483 1727
Kort


Strætó leið 51stansar við Listasafnið

vidurkennt safn