Listamenn

Að kortleggja hið ósýnilega

cold light cheng longwidesmallhope

Að kortleggja hið ósýnilega
Laura Luck með listamannsspjall í máli og myndum
í Listasafni Árnesinga fimmtudaginn 22. nóvember kl. 17-18

Frá vistarveru ofinni úr ullarbandi að veggjalist (graffiti) sem breytist eftir árstíðum ber Laura Luck goðsagnir saman við menningarleg viðmið; kannar yfirráðasvið þeirra og höfðar til skynjunar áhorfenda á leikandi hátt. Hún hefur áhuga á því að skoða hvernig minningar, sögur og goðsagnir óafvitandi einkenna okkur og hversu voldugt afl það er að segja sögu.

Laura Luck ólst upp í Ástralíu, lauk BA-gráðu frá listaháskólanum í Queensland árið 2001 og diplóma í menningarstjórnun 2005 en hefur verið búsett í Bretlandi síðast liðin sex ár. Þar hefur hún verið fengin til þess að vinna innsetningar fyrir stórar listahátíðir svo sem Gladstonbury og Secret Garden Party og verið með sýningar í Londoon, Kanada og á Ítalíu. Laura hefur verið sýningarstjóri nokkurra samsýninga í Ástralíu og unnið stutta pólitíska teiknimynd um stríðið í Írak sem hefur verið valin á kvikmyndahátíðir víða um heim. Hún hefur verið leiðandi listamaður í FigureGround sem eru samtök listamanna í Bretlandi sem fást við staðbunda listviðburði á almannafæri. Síðasta verkefni þeirra var um borð í skipi sem lá við akkeri við strendur Kent. Nú er hún að vinna verkefni ásamt félaga sínum fyrir heimabæ sinn Brisbane í Ástralíu. Verkefnið ber heitið Calling the Past (Hringt í fortíðina) og þar munu persónulegar sögur fólks verða hluta af landslaginu. Hægt verður að hlusta á þær í símaboxum á sögustöðunum en einnig á gagnvirkum kortum á netinu.

Laura mun segja frá því sem hún hefur fengist við síðastliðin ár, rekja feril sinn frá ljósmyndun að innsetningum og hljóðverkum og leiða okkur um ferð hennar frá Ástralíu, gegnum Ítalíu, Kanada, Bretland og að dvöl hannar í listamannaíbúðinni í Varmahlíð í Hveragerði.

Listamannsspjallið fer fram á ensku en líka í myndum sem varpað verður á vegg. Aðgangur er ókeypis og allir velkomnir

LÁ - KEMUR Á ÓVART

eyrarrosin
Notaleg kaffistofa
Setkrókur og upplýsingarrit um myndlist
Verið velkomin!

OPNUNARTÍMI: 12 - 18

Sumar:
alla daga 1. maí - 30. september

Vetur:
fim - sun 1. okt - 30. apríl
lokað 12. des 2016 - 12. jan 2017

Austurmörk 21 - 810 Hveragerði
listasafn@listasafnarnesinga.is
Sími 483 1727
Kort


Strætó leið 51stansar við Listasafnið

vidurkennt safn