Listamenn

Á hátíðinni Blóm í bæ í Listasafni Árnesinga

Á hátíðinni Blóm í bæ í Listasafni Árnesinga
- listasmiðja 27. júní #1 kl. 10-12 og #2 kl. 14-16
- leiðsögn um sýningarnar 28. júní kl. 15

Helena GuttormsdottirHelena Guttormsdóttir myndlistarmaður og brautarstjóri umhverfisskipulagsbrautar Landbúnaðarháskóla Íslands leiðir tvær listasmiðjur á lóð Listasafns Árnesinga laugardaginn 27. júní. Þátttaka í listasmiðjunum er ókeypis og hægt að taka þátt annars vegar á tímanum kl.10-12 og hins vegar kl. 14-16. Þær eru hugsaðar fyrir börn á öllum aldri, gjarnan fjölskyldur þar sem unnið verður með efnivið sem er á staðnum og fenginn er úr náttúrunni í og við Hveragerði. Möguleikar forma náttúrunnar verða kannaðir og verk unnin á staðnum sem verða höfð til sýnis meðan á hátíðinni stendur. Þátttaka í listasmiðjunum er ókeypis og Helena hefur áður leiðbeint á vinsælum námskeiðum í Listasafni Árnesinga.

Á sunnudeginum, 28. júní kl. 15 mun Inga Jónsdóttir safnstjóri ganga með gestum um sýningarnar GEYMAR og FLASSBAKK þar sem sjá má hvernig Sirra Sigrún Sigurðardóttir veltir fyrir sér ólíkum viðfangsefnum sem snerta mannlega tilvist og þróar verk sín út frá því. Hún vinnur m.a. markvisst með tölfræðilegar upplýsingar, myndrænar niðurstöður kenninga eða vísindarannsókna, ummyndar þær og aðlagar lögmálum myndlistar s.s. lit, formi, rúmi og tíma. Á sýningunni Flassbakk fékk Sirra að velja saman verk úr safneign Listasafns Árnesinga, sem kalla fram endurminningar frá Selfossi þar sem hún ólst upp og safnið var fyrst staðsett ásamt Byggðasafni Árnesinga og náttúrugripadeild þess.

LÁ - KEMUR Á ÓVART

eyrarrosin
Notaleg kaffistofa
Setkrókur og upplýsingarrit um myndlist
Verið velkomin!

OPNUNARTÍMI: 12 - 18

Sumar:
alla daga 1. maí - 30. september

Vetur:
fim - sun 1. okt - 30. apríl
lokað 12. des 2016 - 12. jan 2017

Austurmörk 21 - 810 Hveragerði
listasafn@listasafnarnesinga.is
Sími 483 1727
Kort


Strætó leið 51stansar við Listasafnið

vidurkennt safn