Listamenn

Keramík – leiðsögn með Steinunni

Keramík – leiðsögn með Steinunni

Steinunn Aldís Helgadóttir ræðir við gesti sunnudaginn 3. apríl kl. 15

Steinunn Aldís HelgadóttirSteinunn Aldís HelgadóttirSteinunn mun ganga um sýninguna Keramík og segja frá fölbreyttum mótunaraðferðum, glerungum og brennslum ásamt því að svara spurningum sem vakna meðal gesta við skoðun verkanna. Á sýningunni Keramík má sjá verk eftir 47 núverandi félagsmenn Leirkerafélags Íslands. Verkin sýna fjölbreytileika fagsins í þeim 480 munum sem eru til sýnis og eru eftir reynslumikla frumkvöðla í sögu leirlistar hér á landi en einnig yngri hönnuði og listamenn sem hafa fullan hug á viðgangi fagsins. Sjá má aukna áherslu á hönnun og fjöldaframleiðslu en þó með virðingu fyrir handverkinu og hugvitinu. Sýningin er sett upp í tilefni 35 ára afmælis Leirlistafélagsins.

Steinunn Aldís Helgadóttir er búsett í Hveragerði en nam leirlist við Stokkhólms háskólann og hefur sinnt leirlist og kennslu um árabil. Árið 1996 stofnaði hún fyrirtækið Leirkrúsina og rak í 15 ár. Þar hélt hún fjölbreytt námskeið í leirmótun, rennslu, glerungagerð og brennsutækni auk þess að vinna að hönnun og framleiðslu á nytjahlutum og handgerðum leirflísum. Steinunn hefur líka starfað sem myndlistatakennari í grunn- og endurmenntun fyrir uppeldis- og kennarastéttir; við Kennaraháskóla Íslands, Fósturskólann, Námsflokka Reykjavíkur og í sveitarfélögum.

Allir velkomnir að fá innsýn í margbreytilegt ferli við gerð leirmuna og aðgangur er ókeypis.

LÁ - KEMUR Á ÓVART

eyrarrosin islensku safnaverdlaunin 2018 La

Notaleg kaffistofa
Setkrókur og upplýsingarrit um myndlist
Verið velkomin!

OPNUNARTÍMI: 12 - 18

Sumar:
alla daga 1. maí - 30. september

Vetur:
fim - sun 1. okt - 30. apríl
lokað 12. des 2016 - 12. jan 2017

Austurmörk 21 - 810 Hveragerði
listasafn@listasafnarnesinga.is
Sími 483 1727
Kort


Strætó leið 51stansar við Listasafnið

vidurkennt safn