Listamenn

Sýningarstjóraspjall með Aldísi

Sýningastjóraspjall með Aldísi

AldisSunnudaginn 16. október kl. 15 mun Aldís Arnardóttir, annar sýningarstjóri sýningarinnar Tímalög – Karl Kvaran og Erla Þórarinsdóttir ganga um sýninguna með gestum, segja frá sýningunni, fjalla um verkin og höfunda þeirra og svara spurningum sem vakna.

Ég hef aldrei skilið þann hugsunarhátt að mynd þurfi endilega að vera af einhverjum atburði, vegna þess að það skeður það margt í myndinni. Myndin er atburður út af fyrir sig.
(Karl Kvaran)

Það er ögrandi, en það er líka dálítið þakklátt að tefja tímann á þann hátt sem gert er þegar verið er að mála málverk. Þeim fylgir einhver nærvera sem orkar mjög sterkt á okkur, og það stafar meðal annars af tímanum sem gefinn hefur verið í að vinna þau.
(Erla Þórarinsdóttir)

Á sýningunni er teflt saman verkum eftir listmálarana Karl Kvaran frá tímabilinu 1968–1978, og málverkum og skúlptúrum eftir Erlu Þórarinsdóttur frá síðustu tíu árum.
Hinn huglægi þáttur er eitt af því sem sameinar verk listamannanna þar sem litur, form, lína, áferð og tækni skapa óhlutbundna myndheima. Í málverkum Erlu á sér stað ákveðið íhugunarferli þar sem andleg gildi leiða áhorfandann um innri hugarheima. Í list sinni leitaði Karl sífellt inn á við og leitin að hinu klára og tæra var drifkrafturinn í list hans.
Athöfnin að mála afmarkast af þeim tíma sem varðveittur er í málverkinu í undirliggjandi tímalögum sem skrásett eru með pensilfarinu. Það byggist upp lag fyrir lag, ofan á það sem fyrir er og þannig varðveitist tíminn í verkinu.
Ferill tiímans sem greina má í verkum listamannanna er sameiginlegur þráður. Undirmeðvitund málverksins kemur fram í mismunandi tímalögum, listsköpun sem Erla og Karl vinna með á persónulegan hátt.

Nánar um Aldísi

 

LÁ - KEMUR Á ÓVART

eyrarrosin islensku safnaverdlaunin 2018 La

Notaleg kaffistofa
Setkrókur og upplýsingarrit um myndlist
Verið velkomin!

OPNUNARTÍMI: 12 - 18

Sumar:
alla daga 1. maí - 30. september

Vetur:
fim - sun 1. okt - 30. apríl
lokað 12. des 2016 - 12. jan 2017

Austurmörk 21 - 810 Hveragerði
listasafn@listasafnarnesinga.is
Sími 483 1727
Kort


Strætó leið 51stansar við Listasafnið

vidurkennt safn