Listamenn

MARGMÁLA LJÓÐAKVÖLD

MARGMÁLA LJÓÐAKVÖLD

Margmála ljóðakvöld

Í samvinnu við Listasafn Árnesinga í Hveragerði bjóða Bókabæirnir Austanfjalls og Gullkistan á Laugarvatni til Margmála ljóðakvölds þriðjudaginn 21. mars næstkomandi en sá dagur er hvort tveggja í senn alþjóðlegur dagur ljóðsins og baráttudagur gegn rasisma.

Dagskráin hefst klukkan 19.30 í kaffistofu safnsins og stendur til 21.30. Heiti hennar vísar til þess að ljóð verða flutt á mörgum tungumálum eða móðurmálum þeirra sem flytja en jafnframt fylgir íslensk þýðing eða endursögn á ensku. Flytjendur ljóðanna er fólk sem hefur flust til Íslands til lengri eða skemmri dvalar og af ýmsum ástæðum. Auk þess að flytja ljóðin er sagt frá innihaldi ljóðanna og höfundum þeirra. Tilgangurinn er fyrst og fremst að virkja ljóðið, efla og þroska samband okkar við það og að fólk komi saman af ólíku þjóðerni og deili með sér skáldskap, skemmtun og sameiginlegri reynslu. Auk þessa má geta að á yfirstandi sýningu safnsins, Nautn / Conspiracy of Pleasure, er að sjá að minnsa kosti tvö verk sem tengja má beint við umfjöllun um rasisma auk þess sem sum verkanna hafa á sér ljóðrænan blæ.

Meðal þeirra sem flytja ljóð og segja frá eru rithöfundarnir Sevda Khatamian frá Íran og Tamara Drazic frá Ástralíu en þær dvelja á Gullkistunni á Laugarvatni, ljóðskáldið Pjetur Hafstein Lárusson, Fadwa Alsoufi frá Sýrlandi, Estelle Burgel frá Frakklandi, María Anna Maríudóttir frá Póllandi, Ronja Alexandra Valdimarsdóttir frá Finnlandi og Jakob Philip frá Svíþjóð.

Umsjónarmenn dagskrárinnar eru Harpa Rún Kristjánsdóttir og Jón Özur Snorrason.

LÁ - KEMUR Á ÓVART

eyrarrosin
Notaleg kaffistofa
Setkrókur og upplýsingarrit um myndlist
Verið velkomin!

OPNUNARTÍMI: 12 - 18

Sumar:
alla daga 1. maí - 30. september

Vetur:
fim - sun 1. okt - 30. apríl
lokað 12. des 2016 - 12. jan 2017

Austurmörk 21 - 810 Hveragerði
listasafn@listasafnarnesinga.is
Sími 483 1727
Kort


Strætó leið 51stansar við Listasafnið

vidurkennt safn