Listamenn

Listasmiðjur í Listasafni Árnesinga

Listasmiðjur í Listasafni Árnesinga

24. febListasafn Árnesinga heldur áfram að bjóða börnum og fjölskyldum þeirra að eiga saman gæðastundir í safninu með þátttöku í listasmiðjum sem haldnar eru mánaðarlega yfir vetrarmánuðina. Nú er komið að febrúar smiðjunni, sunnudaginn 24. febrúar kl. 14-16. Á einn eða annan hátt tengist viðfangsefni hverrar smiðju þeirri sýningu sem í gangi er og núna verður unnið út frá sýningunni Huglæg rými, en þar má m.a. sjá sérstaka pappúrs skúlptúra eftir myndlistarmanninn Ólaf Svein Gíslason sem eru líkt og vandlega unnin líkön af húsum eða rýmum.

Í listasmiðjunni verður unnið með pappírsklipp og pappír sem brotinn verður í þrívíðan skúlptúr. Smiðjustjóri er sem fyrr Kristín Þóra Guðbjartsdóttir og hún verður á staðnum til þess að aðstoða þátttakendur við að skapa sína eigin útfærslu. Börn og aðstandendur þeirra eru hvattir til þess að nýta þetta tækifæri, koma og skoða sýninguna, ræða um hana og skapa saman í listasmiðjunni þar sem allt efni, pappír og litir eru til staðar og aðgangur og þátttaka í listasmiðjunni er ókeypis.

LÁ - KEMUR Á ÓVART

eyrarrosin islensku safnaverdlaunin 2018 La

Notaleg kaffistofa
Setkrókur og upplýsingarrit um myndlist
Verið velkomin!

OPNUNARTÍMI: 12 - 18

Sumar:
alla daga 1. maí - 30. september

Vetur:
fim - sun 1. okt - 30. apríl
lokað 17. des 2018 - 12. jan 2019

Austurmörk 21 - 810 Hveragerði
listasafn@listasafnarnesinga.is
Sími 483 1727
Kort


Strætó leið 51stansar við Listasafnið

vidurkennt safn