Listamenn

Listasafn Árnesinga valið á lista Eyrarrósarinnar 2015

Listasafn Árnesinga valið á lista Eyrarrósarinnar 2015

Listasafn Árnesinga valið á lista Eyrarrósarinnar 2015Listasafn Árnesinga hefur verið valið á lista Eyrarrósarinnar 2015. Þann 18. mars næstkomandi verður listinn styttur niður í þrjú nöfn og eitt þeirra hlýtur að lokum Eyrarrósina sem Dorrit Moussaieff forsetafrú, verndari Eyrarrósarinnar, afhendir með viðhöfn laugardaginn 4. apríl á Ísafirði.

Í fyrstu verðlaun eru 1.650.000 krónur og flugferðir innanlands frá Flugfélagi Íslands. Hin tvö verkefnin hljóta peningaverðlaun og flugferðir frá Flugfélagi Íslands.

Eyrarrósin er viðurkenning sem veitt er framúrskarandi menningarverkefni á starfssvæði Byggðastofnunnar. Hún beinir sjónum að og hvetur til menningarlegrar fjölbreytni, nýsköpunar og uppbyggingar á sviði menningar og lista. Að verðlaununum standa Byggðastofnun, Flugfélag Íslands og Listahátíð í Reykjavík.

Eyrarrósarlistinn 2015

  • Braggast á Sólstöðum
  • Ferskir vindar
  • Frystiklefinn
  • Listasafn Árnesinga
  • Listasafnið á Akureyri
  • Nes Listamiðstöð
  • Orgelsmiðjan á Stokkseyri
  • Sköpunarmiðstöð á Stöðvarfirði
  • Verksmiðjan á Hjalteyri
  • Þjóðlagasetrið á Siglufirði

Lesa nánar

Leiðsögn og fjölskyldusmiðja - sunnudaginn 8. janúar

Leiðsögn og fjölskyldusmiðja

Ásthildur B. Jónsdóttir sýningarstjóri mun bjóða upp á leiðsögn um sýninguna Ákall og í framhaldinu bjóða þátttakendum að taka þátt í listasmiðunni Okkar náttúra – mínar óskir fyrir framtíðina. Fyrir er í listasmiðjunni bókverkið Okkar náttúra – mínar óskir fyrir framtíðina sem ungmenni á Suðurlandi unnu í tengslum við sýninguna og eru enn að. Með þátttöku vill Ásthildur hvetja gesti safnsins að taka virkan þátt og skoða um leið eigin lifsviðhorf til málefnisins.

Verkin á sýningunni velta m.a. upp vangaveltum um fegurð í hinu smáa, samhengi hluta og viðfangsefna, margslungnu sambandi náttúrunnar og hins manngerða, eðli flokkunarkerfa og neysluhyggju. Hver eru tengsl þekkingar, staðar og stundar? Hvernig getum við brugðist við breytingum í umhverfi okkar? Hvaða svigrúm hefur einstaklingurinn til að breyta sínu kerfisbundna daglega lífi? Hvernig getum við skapað samábyrgt þjóðfélag? Hver er mín ábyrgð? eru dæmi um spurningar sem vakna þegar sýningin er skoðuð.

Ákall

Ákall

Fyrir þessa sýningu hefur sýningarstjórinn, Ásthildur Björg Jónsdóttir, lektor í listkennsludeild Listaháskóla Íslands valið verk tuttugu og fjögurra myndlistarmanna. Verkin tengjast orðræðunni um sjálfbæra þóun og þeim siðferðilegu málefnum sem hún vekur og eiga það sameiginlegt að vekja gagnrýna hugsun sem hvetur áhorfendur til að taka afstöðu til þeirra málefna sem verið er að vinna með hverju sinni og krefur þá jafnvel til þátttöku.

Jafnframt virkjaði Ásthildur listkennslunema í Listaháskólanum og kennara nokkurra skóla í Árnessýslu til þess að vinna með grunnskólabörnum þátttökuverk þar sem ungmennin myndgerðu óskir sínar fyrir komandi kynslóðir. Listaverkin á sýningunni voru grundvöllur umræðunnar sem átti sér stað með börnunum áður en þau sköpuðu verkin. Á meðan á sýningunni stendur gefst gestum safnsins einnig tækifæri til að taka þátt í verkinu.

Á sýningunni má m.a. velta fyrir sér fegurð í hinu smá, stærra samhengi, margslungnu sambandi náttúrunnar og hins manngerða, eðli flokkunarkerfa og neysluhyggju. Hver eru tengsl þekkingar, staðar og stundar? Hvernig getum við brugðist við breytingum í umhverfi okkar? Hvaða svigrúm hefur einstaklingurinn til að breyta sínu kerfisbundna daglega lífi? Hvernig getum við skapað samábyrgt þjóðfélag?

Með gjörningi sem byggir á upplifun þátttakandanna og fram fer í tengslum við opnuna spyrnir Gunndís Ýr við efnishyggju og veltir á sama tíma upp spurningum um safneignir og hvaða stað efnislaus verk eiga í þeim.

Sýningin mun standa til sumardagsins fyrsta, 23. apríl og á sýningartímanum verður efnt til ýmissar dagskrár í tengslum við viðfangsefnið.

Sýningastjóri og listamenn

Fjörugir fjáröflunartónleikar og leynigestur

Fjörugir fjáröflunartónleikar og leynigestur

Fjörugir fjáröflunartónleikar - mynd af hljóðfærumEldri strengjasveit Tónlistarskóla Árnesinga heldur fjáröflunartónleika föstudaginn 13. febrúar kl 18 í Listasafni Árnesinga. Ásamt strengjasveitinni koma fram blásarar, rythmasveit og söngvarar. Meðal söngvara eru Berglind María Ólafsdóttir, Sabine Bernholt, Sædís Lind Másdóttir og leynigestur! Lögin sem flutt verða eru þekkt popplög bæði innlend og erlend, flest nýeg, en eldri fljóta með. Tónleikarnir eru hluti af fjáröflun fyrir Póllandsferð sveitarinnar sem fyrirhuguð er í vor. Þar munu krakkarnir eiga samstarf við strengjasveit Suzuki Institut í Gdansk. Ytra verða haldnir sameiginlegir tónleikar þar sem strengjasveitirnar leika saman og flytja einnig sér verkefni hvor um sig. Vonir standa svo til að Pólska sveitin heimsæki Ísland í haust og tækifæri gefist til þess að hlýða á afrakstur samstarfssins.

Miðaverð er 1000.- krónur og góð mæting er góð hvatning til ungmennanna.

Dagskrá í Listasafni Árnesinga á aðventunni

Dagskrá í Listasafni Árnesinga á aðventunni.

1. desember kl. 20

listakvold a adventu

LISTAKVÖLD með ritlist, tónlist og myndlist.

Árlegt aðventukvöld Listasafnsins og Bókasafnsins í Hveragerði. Höfundar lesa úr eigin verkum sem eru eftirtalin:

  • Englaryk, skáldsaga Guðrúnar Evu Mínervudóttur, segir frá stúlkunni Ölmu sem, í sumarfríi með fjölskyldu sinni, hittir Jesú. Þetta er samtímasaga um mannleg tengsl, hversdagsþrautir og mátt hugsjónanna. Enn einu sinni hefur Guðrún Eva vakið athygli fyrir frumleg og fáguð tök á töfrum hversdagsins.
  • Í endurminningarbókinni Svarthvítir dagar hefur Jóhanna Kristjónsdóttir ritað einlæga og opinskáa frásögn af uppvexti sínum í Reykjavík fyrstu 15 árin, þ.e. 1940-1956. Með hlýju, húmor og innsæi glæðir hún fjölskyldu sína og fólkið í kringum þau lífi.
  • Kristín Dagmar Jóhannesdóttir er ritstjóri bókarinnar sem hún kynnir, Sigurður Guðmundsson, Dancing Horizon, sem er heildaryfirlit yfir hin kunnu ljósmyndaverk Sigurðar frá árunum 1970-1982. Mörg verkanna eru orðin að þekktum táknmyndum í samtímasögu Evrópu og eru sýnd reglulega um allan heim. Á sýningunni UMRÓT er einnig verk eftir Sigurð.
  • Í Veraldarsögu Péturs Gunnarssonar, sem ber undirtitilinn Ævisaga hugmynda, segir frá því þegar höfundurinn hleypir heimdraganum örlagaárið mikla 1968 og dvelur í Frakklandi við skáldskap undir yfirskini náms. Þetta er saga Péturs og fólksins í kringum hann en einnig saga fyrstu ljóðabókar hans.
  • Í skáldsögunni Öræfi hefur Ófeigur Sigurðsson skrifað magnaðan óð um öræfi landsins, öræfi mannssálarinnar og öræfi íslenskrar menningar. Þar skiptist á fjarstæðukennt grín og kraftmikil ádeila og allt vitnar um djúpa tilfinningu höfundar fyrir íslenskri náttúru og mannlífi gegnum aldirnar.

Magnús Þór Sigmundsson mun flytja nokkur verk sín en hann hefur verið ötull við að semja lög og texta, sem mörg hver eru perlur íslenskrar dægurtónlistar.

Einnig er hægt að skoða sýningarnar tvær sem nú standa, VEGFERÐ og UMRÓT
Aðgangur er ókeypis og boðið verður upp á kaffi og piparkökur.

LÁ - KEMUR Á ÓVART

eyrarrosin islensku safnaverdlaunin 2018 La

Notaleg kaffistofa
Setkrókur og upplýsingarrit um myndlist
Verið velkomin!

OPNUNARTÍMI: 12 - 18

Sumar:
alla daga 1. maí - 30. september

Vetur:
fim - sun 1. okt - 30. apríl
lokað 12. des 2016 - 12. jan 2017

Austurmörk 21 - 810 Hveragerði
listasafn@listasafnarnesinga.is
Sími 483 1727
Kort


Strætó leið 51stansar við Listasafnið

vidurkennt safn