Listamenn

Sunnudagsspjall með Brynhildi og Guðrúnu

Sunnudagspjall

með Brynhildi og Guðrúnu
Sunnudaginn 28. janúar kl. 15

Gudrun og BrynhildurHvernig er hægt að mála málverk sem er 4 x 4 metrar að stærð og hvernig er að koma því fyrir til sýningar? Verkið ber titilinn Fjórða víddin og er eftir Guðrúnu Tryggvadóttur. Aðalefniviður þess er olíulitir á striga en einnig notast Guðrún við ösku og skíragull. Utandyra má líka sjá stóran skúlptúr sem er tæpir 3 metrar á hæð og amk 2 metrar í þvermál sem ber það virðulega nafn, Árnesingur  og höfundurinn er Brynhildur Þorgeirsdóttir. Verkið er að magni til úr steypu, en einnig hefur Brynhildur unnið með resín og ljós í verkinu.

Á sýningunni má líka sjá nokkur verk eftir þær frá upphafi ferils þeirra á níunda áratugnum en flest verkanna eru frá síðustu þremur árum og hafa ekki verið sýnd áður.

Hvernig kallast verk þeirra beggja á, annars vegar skúlptúrar en hins vegar málverk. Örva þau skilningarvit okkar? Sjón er sögu ríkari og heimsókn skemmtilegt viðfangsefni, ekki síst þegar hægt er að ræða við listamennina um útfærsluatriði og hugmyndirnar sem liggja verkunum til grundvallar. Þá er líka áhugavert að heyra túlkun gesta og enn fleiri hugmyndir sem vakna. 

Verið velkomin í spjall með Brynhildi og Guðrúnu sunnudaginn 28. janúar kl. 15:00

LÁ - KEMUR Á ÓVART

eyrarrosin
Notaleg kaffistofa
Setkrókur og upplýsingarrit um myndlist
Verið velkomin!

OPNUNARTÍMI: 12 - 18

Sumar:
alla daga 1. maí - 30. september

Vetur:
fim - sun 1. okt - 30. apríl
lokað 12. des 2016 - 12. jan 2017

Austurmörk 21 - 810 Hveragerði
listasafn@listasafnarnesinga.is
Sími 483 1727
Kort


Strætó leið 51stansar við Listasafnið

vidurkennt safn