HVERNIG ER ÁRNESSÝSLA Á BRAGÐIÐ? HVERNIG ER STAÐUR Á BRAGÐIÐ?

Gosie og Tinna

Listamennirnir Tinna Ottesen og Gosie Vervloessem bjóða til samtals og smökkunar eftir að hafa ferðast um Hornafjörð og Árnessýslu á höttunum eftir náttúrulegu bragði þessa svæða.Hvernnig er Árnessýsla á bragðið? Gjörningurinn fram fer í Listasafni Árnesinga í Hveragerði laugardaginn 31. ágúst kl. 14-16. Þær hafa rýnt í sögur, skoðanir, hugmyndir og fleira sem hefur áhrif á bragð og bragðskynjun og velt fyrir sér spurningum eins og hvernig eru hugmyndir og skoðanir á bragðið? Getur matur verið ógeðslegur vegna þess að innihald hans stendur fyrir eitthvað sem þér líkar ekki? Það má koma og fara að vild meðan á gjörningnum stendur.

Í rannsókn sinni hafa þær Gosie og Tinna líka litið til þess að hugtakið náttúra er í dag umdeilt og þær spyrja: Ef við lítum einungis á hið óspillta og ósnerta sem náttúru, er þá hið náttúrulega að klárast? Hvernig getum við nálgast náttúru hugtakið úr nýrri átt og hvernig getum við átt samræður við fólk sem telur sig ekki hafa skoðanir á málinu? Er illgresi á ruslahaugunum náttúrulegt? Hvað með gróðursett skóglendi? Hvað með innflutt matvæli? Eru gæludýrin okkar hluti af náttúrunni? Er það sem er framandi náttúrulegt? Gosdrykkur sem kom á markað nýlega auglýsir sig með því að hann sé „nýtt frá náttúrunni”. Er hann það? Erum við partur af náttúrunni þegar við innbyrðum hann?

Í fyrra buðu þær Gosie og Tinna upp á gjörninginn Hvernig er Hveragerði á bragðið? og buðu þá m.a. upp á bláan fisk hverabakaðann í bananalaufi, gúrku og rósamarengs og hverabökuð rúgbrauð bragðbætt með banana, kerfil eða bjór. Núna beina þær sjónum að bragði Hornafjarðar og Árnessýslu. Verkefnið er styrkt af Vinum Vatnajökuls og Uppbyggingasjóði Suðurlands.

Gosie Vervloessem er belgískur gjörningalistamaður sem fæst við lögmál eðlisfræðinnar til heimilisnota og skoðar náttúrufyrirbæri gagnrýnum augum. Frá árinu 2014 hefur hún rýnt í viðfangsefnið að borða; meltingu og meltingartruflanir.

Tinna Ottesen fæst í listsköpun sinni við rýmistengda frásögn innan hönnunar, leikhúss, dans, gjörnings og kvikmyndar. Hún hefur unnið með fjölbreyttum hópum skapandi fólks að margvíslegnum verkefnum hér á landi og víðar í Evrópu. Hún er höfundur gagnvirku innsetningarinnar Óþekkt, sem sett var upp í Lisasafni Árnesinga árið 2019.

LÁ - KEMUR Á ÓVART

eyrarrosin islensku safnaverdlaunin 2018 La

Notaleg kaffistofa
Setkrókur og upplýsingarrit um myndlist
Verið velkomin!

OPNUNARTÍMI: 12 - 18

Sumar:
alla daga 1. maí - 30. september

Vetur:
fim - sun 1. okt - 30. apríl
lokað 17. des 2018 - 12. jan 2019

Austurmörk 21 - 810 Hveragerði
listasafn@listasafnarnesinga.is
Sími 483 1727
Kort


Strætó leið 51stansar við Listasafnið

vidurkennt safn