Námskeið

List fyrir alla í Listasafni Árnesinga - í maí

List fyrir alla

List fyrir alla og Listkennsludeild LHÍ í samstarfi við Grunnskólann í Hveragerði, Flóaskóla, Barnaskólann á Eyrarbakka og Stokkseyri og Grunnskólann í Þorlákshöfn halda þverfaglegar vinnusmiðjur fyrir unglinga í 8. og 9. bekk. Smiðjurnar eru í mótun og þróun í samvinnu við kennara starfsstaðanna allt þar til þær fara fram dagana 3. og 4. maí næstkomandi í Hveragerði m.a. í Listasafni Árnesinga og þar verður afraksturinn settur upp sem sýning í safninu sem opin verður almenningi til skoðunar.

Formleg opnun smiðjusýningarinnar List fyrir alla verður föstudaginn 4, maí kl. 16:30

Hér ma sjá grófa lýsingu á því sem unnið verður með í vinnusmiðjunum:

Leikrænar ljósmyndir

Listkennslunemar: Jóhanna, Sigrún og Vigdís Gígja

Kynnt verður fyrirbærið „tableau vivant” fyrir nemendum, sem er stillimynd sett upp af leikurum í búningum fyrir framan málaðan bakgrunn, oft með málverk og/eða gríska tragedíu að fyrirmynd. Vinsældir slíkra leikræna stillimynda voru í hámarki um aldamótin 1900, m.a. annars á Íslandi og var það þá Sigurður Málari sem hannaði bakgrunn og búninga. Leiklistaræfingar og leikir verða notaðir til að skapa sögu, en einungis með stellingum og svipbrigðum. Í viðbót verða notaðir langir efnisstrangar í ýmsum litum til að búa til búninga og bakgrunn, hægt verður að hengja, hnýta og títuprjóna hvað sem okkur dettur í hug. Lokaniðurstaðan verða ljósmyndir af uppstillingum okkar, (líklega prentaðar út í háum gæðum) en einnig gæti leikmyndin staðið í sýningunni, og fólki boðið að klæðast búning og láta taka mynd af sér.

Hljóðfærin okkar

Listkennslunemar: Elín Helena og Rúna Vala

Nemendur munu vinna í litlum hópum við að búa til óhefðbundin hljóðfæri úr fundnum hlutum, t.d. rörbútum, málmi, gleri og fleiru. Efnisveita verður tilbúin á staðnum, en einnig geta nemendur komið með efni heiman frá sér eða úr nærumhverfi sínu. Á staðnum verða öll verkfæri sem nýta má við gerð þeirra. Ætlunin er að hafa samband við fyrirtæki í Hveragerði og Reykjavík og athuga hvort hægt sé að fá gefins afganga frá þeim sem notast má við í hljóðfæragerð. Sem kveikjur fyrir nemendur verður farið í stuttar kynningar og umræður um álíka hljóðfæragerð, hljóðverk, hljóð, hlustun, náttúruvernd og sjálfbærni. Það að nálgast verkefnið á þennan hátt dýpkar og fjölgar mögulegum hugsanatengingum við það.

Í lokin verða öll verkin hengd upp í innsetningu á Listasafni Árnesinga og spilað á þau á opnuninni. Gestum sýningarinnar gefst einnig kostur á að spila á þau. Í verkefninu reynir á sjálfstæði nemenda, getu þeirra til að leysa vandamál og samvinnu. Þeir fá tækifæri til að vinna bæði huglægt (hugtök) og hlutbundið (að búa til og skapa) með huga og hönd.

Veggtjald – textílverk. Hvernig sé ég framtíðina?

Listkennslunemar: Andrea, Björg, Kristín og Svala

Unnið verður veggtjald (refill) á textíl með pappír, tússlitum, garni, málningu, öryggisnælum, penslum o.fl. Nemendur vinna í hópum að verki um það hvernig framtíðin gæti litið út. Hver hópur vinnur með 50 cm x 100 cm af hvítu efni þar sem unnið verður með blandaða tækni til að skapa framtíðarsýn. Hvernig munum við ferðast? Hvað munum við borða eða verða allir hættir að vera í símunum? eru dæmi um spurningar sem hóparnir gætu tekist á við. Verk hópanna verða síðan sett saman í eitt heildarverk sem verður um það bil 10 metra langt veggtjald. Formið er frjálst þar sem meðal annars verður hægt að styðjast við graffiti-stílinn en sköpunarkrafturinn mun ráða för.

Nú-stilling

Listkennslunemar: Fríða, Ragga og Selma

Við gerð verkanna stillum við inn á núvitundina þar sem við leitumst við að tengja okkur við stað og stund sem er hér og nú! Nei.... núna! Nei.... núna! Í núinu finnum við efniviðinn okkar, grípum hann, tökum hann inn og filterum í gegnum skynfærin og taugatrefjarnar, við möllum hann í vitund og óvitund, teyjum og sveigum, setjum í nýtt samhengi, nýjan skala þar til hann sjatlar og sest ummyndaður í sitt endanlega form sem verður til sýnis í Listasafni Árnesinga.

Hugmyndin er að vinna með náttúru, byggingar og samfélag, taka upp mörg stutt myndbönd sem verða klippt saman og taka upp hljóð og vinna úr þeim hljóðverk. Við förum á vettvang og skrásetjum hluti, hljóð og fyrirbæri sem tæla skynfærin okkar, lítilfjörleg atriði geta í raun verið stórbrotin og verðug viðföng ef við erum tilbúin fyrir þau og opin. Við notumst við hljóðupptökutæki, síma og / eða myndavélar í vinnuferlinu sem tekur okkur á ólíka staði.

Niðurstaða verkefnisins eða lokaútkoman sem verður til sýnis í listasafninu fer eftir framvindu samvinnu okkar allra og samtali. Það sem við vitum er að það mun samanstanda af hljóði, myndbandsverkum og strúktúr / innsetningu sem við vörpum myndböndunum á og gæti verið áhugavert að hanna slíkt úr gróðurhúsaefni.

Flugdrekagerð – námskeið fyrir 10-13 ára

20.- 21. júní kl. 11:00 – 15:00

Flugdrekagerð - námskeið

Arite FrickeTilgangur námskeiðsins er að kynna fjölbreytta þætti flugdrekagerðar og að flétta saman sköpun og leik. Flugdrekagerð er tilvalinn til að efla leikgleði og þar með vellíðan og sjálfstraust þátttakenda. Áhersla er lagt á notkun efnis og verkfæra sem eru til á flestum heimilum auk þess að þátttakendur fá aðgang að leiðbeiningum sem gerir þeim kleift að halda áfram flugdrekasmíði. Leiðbeinandi er Arite Fricke, grafískur hönnuður og flugdrekasérfræðingur, en hún hefur lengi verið með dellu fyrir flugdrekum. Á milli þess sem Arite hannar og kennir ungum og öldnum að búa til flugdreka þá hefur hún rannsakað sögu þeirra og lögmál.

Á bæjarhátíðinni Blóm í bæ um jónsmessuhelgina verður dagskrárliður þar sem afrakstur námskeiðsins, flugdrekarnir verða settir á loft.

flugdreki Arite

Aldur: 10-13 ára, hámarksfjöldi 12
Verð: 5.000.- allt efni innifalið en börnin verða að koma með nesti.
Skráning: á netfangið myndin@listasafnarnesinga.is
eða í síma 483 1727 á opnunartíma safnsins kl. 12-18

Listasmiðja - myndlist fyrir 8 - 12 ára í safninu

listasmidja aug2015Líkt og nokkur undanfarin ár kemur Margrét Zópóníasdóttir myndlistarmaður og myndmenntakennari til þess að leiðbeina börnum í listasmiðju í safninu. Hún hefur náð góðum árangri og börnin hafa notið þess að vinna verkefnin. Margrét lætur þau vinna út frá verkum á sýningu safnsins en einnig með önnur viðfangsefni. Markmið listasmiðjunnar er að þjálfa börnin í því að teikna og mála, skerpa eftirtekt og skoða form og litasamsetningar þeim til fróðleiks og skemmtunar. Ath. að börnin séu í fatnaði við hæfi eða komi með vinnuföt.

Verkin voru sett upp á sýningu í vinnustofunni sem var opin yfir bæjarhátíðina Blómstrandi bær, dagana 14.-16. ágúst. Skoða 

Kennari: Margrét Zópóníasdóttir, myndlistarmaður og myndmenntakennari
Tími: 4.-7. ágúst kl. 13-15:30
Aldur: 8 – 11 ára.
Verð: 5.000 allt efni innifalið

Skráning: Í síma 483 1727 á opnunartíma safnsins alla daga 12-18
eða í netfangið myndin@listasafnarnesinga.is

i listasmidju

Verkin voru sett upp á sýningu í vinnustofunni sem opin var yfir bæjarhátíðina Blómstrandi bær, dagana 14.-16. ágúst.

Verkin voru sett upp á sýningu í vinnustofunni sem opin var yfir bæjarhátíðina Blómstrandi bær, dagana 14.-16. ágúst.

Verkin voru sett upp á sýningu í vinnustofunni sem opin var yfir bæjarhátíðina Blómstrandi bær, dagana 14.-16. ágúst.

margret

Möguleikar á safni - skapandi listasmiðja fyrir 8 - 12 ára

teiknun, málun, eftirtekt, form og litasamsetningar, fróðleikur og góð samvera

28. - 30. júlí kl. 13:00 - 15:30

Verð: 5.000 allt efni innifalið - hámarks þátttökufjöldi: 10 börn

Margrét Zóphóníasardóttir, myndlistarmaður og myndmenntakennari

Skráning:

í síma 483 1727 eða á netfangið myndin@listasafnarnesinga.is

Afraksturinn verður til sýnis í vinnustofunni yfir hátíðina Blómstrandi dagar

Ungmenni í listasmiðju með Davíð Erni Halldórssyni

Davíð Örn Halldórsson myndlistarmaður átti verk á sýningunni ALMYNSTUR. Hann hefur nokkra reynslu af því að vinna með ungu fólki bæði í Myndlistaskóla Reykjavíkur og hjá fræðsludeild Listasafns Reykjavíkur. Vinna hans þar hefur skilað góðum árangri og ánægju svo Listasafn Árnesinga fékk hann til þess að vera með tvær listasmiðjur í safninu fyrir ungt fólk. 

Listasmiðjai_listasmidju_med_David_Erni

 

Listasmiðjur með Baniprosonno fyrir börn 8 - 12 ára

Fjórar listasmiðjur með Baniprosonno voru haldnar hér í safninu í nóvember s.l.

Listasmiðjur fyrir fullorðna

Einnig var boðið upp á námskeið fyrir fullorðna 22. nóvember s.l.  og var það einkum ætlað leik- og grunnskólakennurum.

Hérna eru nokkrar myndir af námskeiðunum.

Baniprosonno Putul
Fjör í listasmiðju Fjör í listasmiðju
Grind furðudýrs verður til. Furðudýr að fæðast
Tröllastóll Hamingju hattar 
Furðudýr og skapendur Fílaleiðangur
Fílaleiðangur Fílar búnir til
Fílar og froskar Þátttakendur

LÁ - KEMUR Á ÓVART

eyrarrosin islensku safnaverdlaunin 2018 La

Notaleg kaffistofa
Setkrókur og upplýsingarrit um myndlist
Verið velkomin!

OPNUNARTÍMI: 12 - 18

Sumar:
alla daga 1. maí - 30. september

Vetur:
fim - sun 1. okt - 30. apríl
lokað 12. des 2016 - 12. jan 2017

Austurmörk 21 - 810 Hveragerði
listasafn@listasafnarnesinga.is
Sími 483 1727
Kort


Strætó leið 51stansar við Listasafnið

vidurkennt safn