Námskeið

Yasmine Olsson indversk matargerðarlist

Föstudaginn 4. nóvember kl. 18 - 22

Skemmtilegt matreiðslunámskeið með Yasmine Olsson þar sem hún mun af sinni alþekktu snilld sýna galdurinn við að reiða fram einstaklega bragðgóða indverska rétti. Farið verður í gegnum helstu kryddin í indverskri matargerð og notkun þeirra, ásamt grunnmatreiðsluaðferðum. Yesmine fer einnig yfir það hvernig hægt er að einfalda uppskriftir og jafnvel gera þær enn hollari án þess að það bitni á bragðinu. Á námskeiðinu verða eldaðir nokkrir réttir sem þátttakendum gefst kostur á að smakka. Námskeiðið er byggt upp á uppskriftum úr metsölu- og verðlaunabókum Yesmine Olsson, Framandi og Freistandi. Námskeiðið stendur yfir í rúmar 4 klukkustundir og námskeiðsgjald aðeins kr 5000.

Skráning á netfangið jmh@hveragerdi.is fyrir 1. nóvember því námskeiðið er háð því að nægur fjöldi þáttakenda náist.  

Baniprosonno Putul
Fjör í listasmiðju Fjör í listasmiðju
Grind furðudýrs verður til. Furðudýr að fæðast
Tröllastóll Hamingju hattar 
Furðudýr og skapendur Fílaleiðangur
Fílaleiðangur Fílar búnir til
Fílar og froskar Þátttakendur

Listasmiðjur með Baniprosonno fyrir börn 8 - 12 ára

Fjórar listasmiðjur með Baniprosonno verða haldnar hér í safninu, tvær laugardaginn 19. nóvember og tvær laugardaginn 26. nóvember.   Hver stendur í tvo tíma kl. 13 – 15 og 16 – 18.

Þátttökugjald kr. 1.000.- allt efni innifalið.

Foreldrar mega gjarnan vera með börnunum á námskeiðunum.

Laugardaginn 19. nóv. kl. 13-15   -   UNDRADÝR
Laugardaginn 19. nóv. kl. 16-18   -   SKAPANDI PAPPÍRSKLIPP
Laugardaginn 26. nóv. kl. 13-15   -   TRÖLLASTÓLL
Laugardaginn 26. nóv. kl. 16-18   -   HAMINGJUHATTAR

Skráning í barnalistasmiðjurnar hér í afgreiðslunni eða á netfangið listasafn@listasafnarnesinga.is eða síma 483 1727

Listasmiðjur fyrir fullorðna

Einnig er boðið upp á námskeið fyrir fullorðna og er það einkum ætlað leik- og grunnskólakennurum.

Þriðjudagskvöldið 22. nóvember kl. 19-21

Þátttökugjald kr. 4.000.-

Skráning hjá Fræðsluneti Suðurlands

Myndlistarnámskeið fyrir börn

Tvö myndlistarnámskeið fyrir 8-12 ára börn.
Kennari er Margrét Zópóníasdóttir
Unnið er með núverandi sýningu bæði hlutlægt og huglægt, teiknað og málað, eftirtekt þjálfuð, form og litasamsetningar skoðuð.
Bæði námskeiðin eru byggð upp á sama hátt en unnið með mismunandi viðfangsefni.
Allt efni er innfalið. Ath. að börnin séu í fatnaði við hæfi eða komi með vinnuföt.

Námskeið I. 
5. og 6. júlí kl. 13 - 15 - ath. aðeins 2ja daga námskeið 
Verð: 1.800 kr.
 


Námskeið II.

9., 10. og 11. ágúst
Verð: 2.500 kr.


Skráning á netfangið:
listasafn@listasafnarnesinga.is
eða í síma 483 1727 á opnunartíma safnsins  kl. 12-18
hámark 10 börn á hvort námskeið

MASTER CLASS Í SAFNAFRÆÐUM

Listasöfn, sýningar og sölugallerí fyrir myndlist

4.-5. október 2010

Leiðbeinandi Dr. Magnús Gestsson safnafræðingur

Master class í safnafræðum er samvinnuverkefni námsbrautar í safnafræðum við Háskóla Íslands og Listasafns Árnesinga.

Listasöfn, sýningar og sölugallerí fyrir myndlist
Listasöfn og sölugallerí fyrir myndlist eru í hugum margra ósamrímanleg fyrirbæri þar sem safnið gegnir víðtæku varðveislu og fræðsluhlutverki á meðan goðsögnin um listaverkasala byggir á því að þeir hugsi eingöngu um að hagnast fjárhagslega á snilld listamanna sem venjulega bera lítið úr bítum. Hinsvegar kemur oft í ljós að saga listmarkaða og safna er nátengd og menningarlegt hlutverk listmunasala er mikilvægara og margþættara en margur hyggur. Til að varpa ljósi á þessi fyrirbrigði þá fjallar þetta námskeið um tengsl safna og listmarkaða, tilgang sýninga í listasöfnum og sölugalleríum og tilurð menningarverðmæta í galleríum í London, Kaupmannahöfn og Reykjavík. Farið verður yfir sögu listmarkaða og safna og helstu kenningar verða reifaðar sem liggja að baki skilnings okkar á sýningum, söfnum, sölugalleríum og listheiminum.

Magnús Gestsson
Magnús er með MA gráðu í safnafræðum frá Leicester-háskóla og MA í sögu myndlistar, hönnunar og húsagerðarlistar frá De Montfort-háskóla í Bretlandi. Magnús er jafnframt nýdoktor í safnafræðum frá Leicester-háskóla í Bretlandi en hann varði doktorsritgerð sína Commercial Galleries in Copenhagen, London and Reykjavík: a comparative study of the formations, contexts and interactions of galleries founded between 1985 and 2002, 31 júlí 2009. Í ritgerðinni eru galleristar skoðaðir í samhengi við kenningar fræðimanna um listheiminn. Rannsóknin beinist að samspili menningarumhverfis og athafnasemi gallerista í Kaupmannahöfn, Austur-London og Reykjavík. Gengið er út frá eflingu myndlistar-markaðarins sem tengist safnaranum Charles Saatchi og svonefndum ‘Young British Artists’. Skoðað er hvort og hvernig þessi þróun hafði áhrif í Kaupmannahöfn og Reykjavík. Með því að byggja a viðtölum við listaverkasala og rannsóknum á borgarmenningu og menningar-umhverfi sýnir ritgerðin fram á að galleristar eru drifnir áfram af sköpunarkrafti og listrænni sýn sem er oftast á kostnað markaðsvitundar. Með þeim aðferðum sem beitt var við rannsóknina var einnig hægt að greina einstaka listheima sem eru afkvæmi borganna og ofnir inní menningarumhverfi þeirra. Helstu áhugamál Magnúsar eru að örva samræður samfélags og samtímalistar, sýningarstjórnun og rannsóknir fyrir sýningar í listasöfnum og sölugalleríum. Auk þess beinist áhugi Magnúsar að samskiptum þessara stofnana við viðskiptavini sína og byltingum í söfnum, sölugalleríum listmörkuðum og listheimum. Magnús hefur haldið fyrirlestra og framsögur um söfn, sölugallerí, myndlistarmarkaði og listasögu við University of Leicester og De Montfort University í Leicester. Hann hefur jafnframt verið aðstoðarsýningarstjóri við Embrace Arts, the University of Leicester´s Arts Centre.

Námskeiðið
Námskeiðið verður haldið á Listasafni Árnesinga í Hveragerði, daganna 4. – 5. október, frá kl. 10:00 – 16:00. Námskeiðið er opið öllum sem áhuga hafa á viðfangsefni þess.

Vert er að benda á að strætó, leið 51, gengur milli Reykjavíkur og Selfoss með stoppistöð við Listasafnið í Hveragerði, sjá tímatöflu á www.straeto.is.

Þátttökukostnaður er kr. 15.000. Innifalið í verði eru námskeiðsgögn og kaffiveitingar. Þátttakendum er bent á að leita til starfsmannafélaga sem veita upplýsingar um styrki til þátttöku í endurmenntunarnámskeiðum.

Umsókn um þátttöku, ásamt greiðslu námskeiðsgjalds, þarf að berast fyrir 10. september. Umsóknir skal sendast á tölvupósti til Listasafns Árnesinga (listasafn@listsafnarnesinga.is) ásamt upplýsingum um: NAFN, KENNITÖLU OG HEIMILISFANG. Námskeiðsgjald skal greiðast í heimabanka á eftirfarandi reikning: 0152-26-010910. Takið fram kennitölu þátttakanda í skýringu á greiðslu.

Listasafn Árnesinga og námsbraut í safnafræði við HÍ áskila sér rétt til að fella niður námskeiðið verði þátttaka ekki nægileg.

Sumarnámskeið fyrir börn

Af óviðráðanlegum ástæðum er vatnslitanámskeið barna flutt fram um eina viku.  Það verður haldið þriðjudaginn 10. - fimmtudagsins 12. ágúst kl. 13 - 15.

VATNSLITIR
Kennari:  Margrét Zópóníasdóttir
Aldur:  8-12 ára
Staður: Listasafn Árnesinga
Tími: 10. 11. og 12. ágúst kl. 13 - 15
Verð: 2.500.-
Skráning á netfangið: listasafn@listasafnarnesinga.is
eða í síma 483 1727 á opnunartíma safnsins  kl. 12-18

LÁ - KEMUR Á ÓVART

eyrarrosin
Notaleg kaffistofa
Setkrókur og upplýsingarrit um myndlist
Verið velkomin!

OPNUNARTÍMI: 12 - 18

Sumar:
alla daga 1. maí - 30. september

Vetur:
fim - sun 1. okt - 30. apríl
lokað 12. des 2016 - 12. jan 2017

Austurmörk 21 - 810 Hveragerði
listasafn@listasafnarnesinga.is
Sími 483 1727
Kort


Strætó leið 51stansar við Listasafnið

vidurkennt safn